Dao waer ich gelökkig van! LVK 2017: Twiee Gewaejde
T: J.Deusings M: B.Erkens
’s Mörgesvreug dan sjtaon ich op
Ich zèt de radio aan
En mit meziek in miene kop
Heis ich dan de vaan
’n Teske koffie, sjpek en ei
Dan sjmink ich mich de sjnoet
Mit hood op, pak aan, allebei
Zo trek ich d’r op oet…
REFREIN:
Kiek, dao waer ich gelökkig van!
Dan rammelt mich de priej
Is ’t vastelaovend dan
Veul ich mich vriej en bliej
Jao, dao waer ich gelökkig van!
Dao knap ich gans van op
Is ’t vastelaovend dan
Veul ich mich driej daag top!
Alle sjtraote bóntj verseerd
D’n optoch sjteit al klaor
Jónk en auwt zich ammeseert
Zo geit dat jeder jaor
Kóm ich dan in mien sjtamcafe
Wo me sjoenkelt, lach en sjprunk
Dan bèn ich bliej en gans tevree
Es jederein weer zunk…
Brök: Wat ’n gelök!
’t Kump ummer trök
Veer höbbe sjpas
Dat hauwte v’r hiej vas!