Doe bès de zón veur mich LVK: De Twieë Gewaejde (Nuth)
Veer gaon op sjtap mit windkrach ellef
Volle krach veuroet
Al sjleit de raege wie vanzelf
Rech in ózze sjnoet
Ouch hagel, kouw of nate sjnee
Hilt ós neet in de boet
Mit vastelaovend gaon veer twee
D’r lekker tössjenoet
REFREIN:
Vastelaovend, doe bès de zón veur mich
Vastelaovend, doe wèts ich houwt van dich
Jeder jaor biej waer en wèndj
Maaks dich mich bliej zowie ’n kèndj
Dat deit mich zo good
En ’t geuf mich nuje mood
Vastelaovend, doe bès de zón veur mich
Vastelaovend, ich houwt zoväöl van dich
Mit vastelaovend viere veer de
Tied van ’t gelök
Dan höbbe veer in Limburg weer de
Wéndj in ózze rök
Veer make driej daag euveral
Plezeer en gekke teun
De vaan die wappert baovenal
In kleure road, gael, greun
REFREIN: Vastelaovend, doe bès de zón…
BRÖK: ’t Waer dat is sjus wie ’t laeve
Werm en dan weer kouwt
Wae zónleech aan de luuj kènt gaeve
Dae wurt lachend ouwt
REFREIN: Vastelaovend, doe bès de zón…
MODULATIE:
REFREIN: Vastelaovend, doe bès de zón…
T/M: Jo Deusings, Ben Erkens, Jos Huysmans