De vastelaoves wervelwèndj
LVK 2018: De Twieë Gewaejde (Nuth)
Teks / Meziek: Ben Erkens / Jo Deusings
Refrein:
Es de vastelaoves wervelwèndj
Wie ’ne sjtórm door Limburg weijt
Is hiej alles wo ’t zich óm dreijt
Dat de sjpas regere geit
Daovan kump vanzelf biej dich en mich
Unne lach op ’t gezich
Es dae vastelaoves wervelwèndj
Eeder jaor door Limburg geijt
Höb ich gaar gein zörg meer en ich weit
Dat gelök nog ech besjteit
Mósse noe ’ns kieke
Jederein dae haet plezeer
In sjteje, dörpe, wieke
Dao geit dae wervelwèndj tekier
Want vastelaovend blief un fieës
Wie ’t hiej al jaore is
Van vrundjsjap en van same zeen
Dat weit ich heel besjlis…
Sjuus wie in ’t laeve
Mich neet jed’ren daag bevilt
Dan dink ich sjtilkes aeve
Men kriet neet ummer wat me wilt
Mer es dae wervelwèndj zich reurt
Dan raap ich mich sjnel biejein
En es dae dikke zjiem weer sjleit
Zing ich mit jederein…